ஹிருணிகா பிரேமசந்திர மற்றும் ஹிரான் யதோவிட்ட ஆகியோர் தங்களது திருமண வாழ்க்கையை முறித்துக்கொள்வதாக அறிவித்துள்ளனர். இருவரும் 2015 ஆம் ஆண்டு திருமணமானவர்கள் மற்றும் மூன்று குழந்தைகளின் பெற்றோர்கள். கடந்த சில மாதங்களாக தீவிரமாக சிந்தித்து, இந்த முடிவை எடுத்ததாகவும், இந்த முடிவு இருவருக்கும் இடையே எந்தவிதமான கசப்புணர்வுகளும் இல்லாமல், சமரசத்துடன் மேற்கொள்ளப்பட்டதாகவும் தெரிவித்துள்ளனர்.
ஹிருணிகா தனது பேஸ்புக் பக்கத்தில் ஹிரானின் பெயருடன் இந்த விவரத்தைப் பகிர்ந்துள்ளார். அதேபோல், ஹிரானும் தனது பேஸ்புக் பக்கத்தில் இதே விடயத்தைப் பதிவிட்டுள்ளார். இருவரும் இந்த முடிவை சுயமாகவே விரும்பி மேற்கொண்டதாகவும், இது அவர்களின் தனிப்பட்ட வாழ்க்கை முடிவு என்பதையும் வலியுறுத்தியுள்ளனர்.
இந்த அறிவிப்பு சமூக ஊடகங்கள் மூலம் பரவலாகப் பகிரப்பட்டு வருகிறது. இருவரின் வாழ்க்கையில் மேலும் நல்லெண்ணம் மற்றும் மகிழ்ச்சி நிறைந்த நாட்களைக் காண வாழ்த்துகள் தெரிவிக்கப்படுகின்றன.
0 Comments